එදා 2001 වසරේ සිංහළ වීර විදහනේ 6 වන සංවත්සරය පදවිය මී ඔය ප්‍රදේශය ආශ්‍රිතව පවත්වන්නට යෙදුනි. ගොවිතැනින් මී ඔය සශ්‍රීක කිරීමට මී ඔය හරස් කර අමුණක් සාදා වාරි පහසුකම් සපයා දී කුඹුරු අක්කර 250කට අධික සංඛ්‍යාවක් පෝෂනය කරන ලදි.

එමෙන්ම 2019 වසරේ නොවැම්බර් මස 30 වන දින එම ව්‍යාපෘතියේ දෙවන පියවර ලෙස මී ඔය අමුණ සාදා අස්වැද්දූ කුඹුරු ආශ්‍රිතව ජතියේ පොහොර ගස වන මී ගස පිළිබඳව දේශනයක් සිදු කර, මී ගස් 200ක් සිටුවීමේ මහඟු කර්තවයට මුල පිරීය.

එදිනම සිංහළ වීර විදහන ජාතික සංවිධානය මඟින් අනුග්‍රාහකත්වය ලබා දෙන පදවි ශ්‍රී තිස්සපුර පවත්වාගෙන යන ඉංග්‍රීසි පන්තියේ දරු දැරියන්ට අත්‍යාවශ්‍ය වූ ඉංග්‍රීසි සිංහළ ශබ්දකෝෂ සහ පෙර පාසල් දූ දරුවන්ට පාසල් බෑග්, වැඩපොත් සහ උපකරණ ද, අඩු ආදායම් ලාභී පවුල් වල දරුවන් 10 දෙනෙකුට අධ්‍යාපන ශිෂ්‍යත්ව ද, තම දරුවන් බුදු සසුනට පූජා කළ මවුවරු සය දෙනෙකුට උපහාරයක් ද, අඩු ආඳායම් ලාභී පවුල් වලට මදුරු දැල් ද, යාය 12 සහ යාය 13 පාසල් සඳහා පුස්ථකාලට අවශ්‍ය පොත් ද ලබා දුනි. මේ සියල්ල සිදු කරනු ලැබුවේ සිංහළ වීර විදහන ජාතික සංවිධානයේ ජතික මණ්ඩල සාමාජික මහත්ම මහත්මීන්ගේ සහ ක්‍රියාකාරී මණ්ඩල සාමාජික මහත්ම මහත්මීන්ගේ නොමසුරු ධන පරිත්‍යාගයෙනි.

එදින වැඩසටහන සඳහා සිංහළ වීර විදහන ජාතික සංවිධානයේ ජාතික මණ්ඩල සාමාජික මහත්ම මහත්මීන්, ක්‍රියාකාරී මණ්ඩල සාමාජික මහත්ම මහත්මීන් සහ විශේෂ ආරාධනයෙන් සුනිල් එදිරිසිංහ මහතා ඇතුළු ප්‍රදේශයේ රජයේ උසස් නිළධාරීන් ඇතුළු ප්‍රදේශවාසී ජනතාවගේ සහභාගිත්වයෙන් පැවැත්වීය.